aankhon mein to aansu ko sukun tak nahin milta
daman pe jab aata hai to hota hai rawan aur

ai quwwat-e-parwaz zara aur sahaara
sunte hain sitaron mein hain aabaad jahan aur

gahra ho agar sajda to khinch aate hain jalwe
peshani-e-alam pe ubharta hai nishan aur

taqsim agar hota hai shoalon mein nasheman
jalte hue tinkon se lipatta hai dhuan aur

ho rang pe mahfil to badalti hain fazaen
ai 'fazl' sanwar jata hai andaz-e-bayan aur