aansu hain aur na aah-o-zari hai ek ajab dil ko be-qarari hai tha adhura kabhi bina mere jis ko do pal ka sath bhaari hai kuchh na tha hath mein kabhi tere sans tak pe be-ikhtyari hai ji rahe ho samajh ke apni tum ba-khuda zindagi hamari hai kuchh tamasha lage ki baqi hai dhadkanon ka jo khel jari hai ji rahe hain bina tere ab tak is mein qudrat ki dast-kari hai 'shamsa' mahfil mein ab ujala hai kyunki ye raushni tumhaari hai