aarzu pe jafa kare koi
phir khafa ho khuda kare koi

ye bhi insaf hai koi ai charkh
roen hum aur hansa kare koi

baat puri kabhi suni hi nahin
muddaa arz kya kare koi

khak mein mil gaya main aakhir-kar
aur jaur-o-jafa kare koi

jab tumhin yun jawab de do saf
kis se phir iltija kare koi

chham se aa jae mere pahlu mein
shab-e-furqat khuda kare koi

kah rahi hain kisi ki shokh aankhen
kyon kisi se haya kare koi

ye to kahte ho dil ko samjhao
dil na samjhe to kya kare koi

sab hasin bewafa hain ai 'shabnam'
kya kisi se wafa kare koi