aasaish ki chah na kar
mushkil apni rah na kar

kufr-o-shirk se rabt na rakh
fard-e-amal ko siyah na kar

mushkil mein le sabr se kaam
mushkil mein tu aah na kar

mal-e-muft ho pesh agar
us par kabhi nigah na kar

jhank gareban mein apne
waiz hamein tabah na kar

de kar dars tassub ka
qaum ko yun gumrah na kar

kar na kisi ki haq-talfi
ye sangin gunah na kar

khush rah 'shaz' kifayat mein
aish ki hargiz chah na kar