aashob-e-zamana ne ubhaara hai jazira jhilon ke ilaqe mein hamara hai jazira aflak-e-samundar hain mohabbat ki nazar mein peshani-e-nazuk pe sitara hai jazira ummid ki bano se tawana hai shanawar girdab-e-samundar mein sahaara hai jazira aakash ke sagar mein sitare to bahut hain par tinat-e-adam ne sanwara hai jazira dariya-e-mohabbat ki masafat mein hai gardan kab qais ko rahat ka gawara hai jazira