aasman ek kinare se utha sakti hun yani taqdir sitare se utha sakti hun apne panw pe khadi hun tujhe kya lagta tha khud ko bas tere sahaare se utha sakti hun aankhen mushtaq hazaron hain magar soch ke rakh teri taswir nazare se utha sakti hun rakh ho jae mohabbat ki haweli pal mein ek tabahi main sharare se utha sakti hun main agar chahun to jine ki ijazat de kar zindagi tujh ko khasare se utha sakti hun ism padhne ka irada ho to fursat mein 'sahar' main tujhe dil ke shumare se utha sakti hun