aayat-e-husn ki jab main ne tilawat ki thi
ishq ne aa ke mere hath pe baiat ki thi

jab subut aur zamana tha mohabbat ke khilaf
main ne us waqt zulekha ki himayat ki thi

mujh ko marne na diya sher utare mujh par
ishq ne bas ye mere sath riayat ki thi

garm bazar hai dil ka to khasara hi sahi
tai kharidar se main ne yahi qimat ki thi

tum jo phir puchhne aae ho unhi baaton ki
main ne chup rah ke kai bar wazahat ki thi