bana ke naqa-e-ulfat ka sarban mujhe
phir us ke baad phiraya gaya jahan mujhe

idhar wo bichhda udhar ek sitara tuta phir
main aasman ko dekhun aur aasman mujhe

hasad nifaq adawat hawas dagha lalach
lage hai zahr ye nafrat ka khandan mujhe

kisi guman pe karta nahin yaqin kabhi
kabhi yaqin pe hota nahin guman mujhe

kisi ke panw se mas ho gai tabhi 'ammar'
meri zamin lage rashk-e-asman mujhe