ab ghair se bhi teri mulaqat rah gai
sach hai ki waqt jata raha baat rah gai

teri sifat se na raha kaam kuchh mujhe
bas teri sirf dosti bizzat rah gai

kahne laga wo haal mera sun ke raat ko
sab qisse ja chuke ye khurafat rah gai

din intizar ka to kata jis tarah kata
lekin kaso tarah na kati raat rah gai

bas naqd-e-jaan hi sirf 'asar' ne kiya nisar
gham ki tere sab aur mudaraat rah gai