ab tarz-e-amal un ki badal jae to achchha
haal-e-dil-e-nashad sanbhal jae to achchha

har roz sunata hun use qissa-e-ulfat
afsun ye mera yar pe chal jae to achchha

bechain raha karta hun rahne se main us ke
sine se mere dil hi nikal jae to achchha

josh-e-mai-e-ulfat se na phat jae khum-e-dil
aankhon se ubal kar ye nikal jae to achchha

dil rashk se sulgate hain 'sabir' ka wo har roz
iksir bane aisa ye jal jae to achchha