ab wo pahle se mehr-o-mah nahin
koi aasuda-e-nigah nahin

jo bhi nikla tumhaari mahfil se
us ko duniya mein phir panah nahin

ishq ka dard phir bura kiya hai
maut lazim hai ishtibah nahin

zindagi hi gunah jab thahri
zindagi mein koi gunah nahin

dushmanon se to hai hazar mumkin
doston se kahin panah nahin

tum agar markaz-e-tamanna ho
phir tamanna koi gunah nahin

ek jhalak un ki dekh li 'ehsas'
ab koi markaz-e-nigah nahin