abru ka war aur dil-e-be-qarar par
kyon rakh liya gharib ko khanjar ki dhaar par

us barq-wash ne hans ke mere haal-e-zar par
bijli girai khirman-e-sabr-o-qarar par

suniye to kuchh nahin ye bura manne ki baat
dil de to koi aap ko kis eatibar par

li hogi jite ji meri kuchh aap ne khabar
kuchh baad-e-marg aaenge mere mazar par

kunj-e-qafas se hae rihai na ho saki
har-chand andalib ne mare hazar par