adu ko main ne puchha kaun ye sarkar baithe hain
to sale ne kaha hans kar hamare yar baithe hain

kahin laila ka ya laila ki man ka sar utarenge
janab-e-qais jo bandhe hue talwar baithe hain

abe ye ghar hai tera ya koi bhatiyar-khana hai
kahin do-chaar lete hain kahin do chaar baithe hain

gadagad ho rahi hai wasl ki shab teri khalwat mein
palang par ek leta hai to niche chaar baithe hain

sawal-e-bosa-e-gesu pe barham ho ke farmaya
hum in gustakhiyon se munh pe jute mar baithe hain

kaha karte hain walid 'bum' ke josh-e-mohabbat mein
nahin malum kis jangal mein bar-khurdar baithe hain