adu phir war karna chahta hai
gulon ko khar karna chahta hai

zara kachche ghade ka azm dekho
samundar par karna chahta hai

meri tahzib ki tahni jala kar
mujhe talwar karna chahta hai

samajh ke padh kalam-e-asmani
ye kuchh izhaar karna chahta hai

wo meri raushni ki saltanat ko
andheri ghaar karna chahta hai

jo sach puchho to dil ki baat kah dun
ye tum se pyar karna chahta hai