afzuni-e-mata'-e-mohabbat na puchhiye kis se mili hai mujh ko ye daulat na puchhiye soz-e-firaq-e-yar ki lazzat na puchhiye kis darja ho rahi hai masarrat na puchhiye uttha udhar naqab idhar be-khudi hui dekhi jo aankh ne wo haqiqat na puchhiye aankhon mein har ghadi hai surur-e-jamal-e-dost kitni khushi hai kitni masarrat na puchhiye arman umid aarzu andoh aur alam dil kya hai ek markaz-e-afat na puchhiye sab surkh-ru hain subh-e-qayamat huzur-e-yar kyon ho rahi hai mujh ko nadamat na puchhiye