agar ho diwar-o-dar salamat to ghar salamat
ho ghar ki buniyaad gar salamat to ghar salamat

guzar andheron ka hone pae kabhi makan mein
ho shama jab taq par salamat to ghar salamat

na choron ka dar na koi khatra ho dakuon ka
agar ho mazbut dar salamat to ghar salamat

hai ghar ki raunaq to baal bachchon ke shor-o-ghul se
ho jin ke nur-e-nazar salamat to ghar salamat

na be-ghari ka khayal 'meraj' dil mein aae
hon sar-paraston ke sar salamat to ghar salamat