agar hum kahen aur wo muskura den
hum un ke liye zindagani luta den

har ek mod par hum ghamon ko saza den
chalo zindagi ko mohabbat bana den

agar khud ko bhule to kuchh bhi na bhule
ki chahat mein un ki khuda ko bhula den

kabhi gham ki aandhi jinhen chhu na pae
wafaon ke hum wo nasheman bana den

qayamat ke diwane kahte hain hum se
chalo un ke chehre se parda hata den

saza den sila den bana den mita den
magar wo koi faisla to suna den