ahl-e-iman se na kafir se kaho ai buto lekin khuda-lagti kaho gar milen yaran-e-rafta puchhiye mar gae par kis tarah guzri kaho paimalo ishq mein kyunkar kati kohkan se sar-guzashte apni kaho chashm-e-tar par dajla-o-jihun mein kya abr si chha jae jo phabti kaho sham-o-parwana jo puchhen soz-e-ishq apni biti ya meri biti kaho pit pichhe bad kaho ai aaino ru-ba-ru us ke na munh-dekhi kaho munh lapete gosha-e-marqad mein 'shad' kyun pade chup ho hai kaisa ji kaho