baat sidhi bhi ho takrar bana leta hun
main mohabbat ko bhi asrar bana leta hun

pahle pahle to main apna tha magar ab khud ko
jaisi mahfil ho adakar bana leta hun

gher rakkha hai kai din se hasin yaadon ne
ek taswir kai bar bana leta hun

dur tak koi mere sath nahin chal sakta
so bichhadna bhi tarah-dar bana leta hun

main hawaon pe qanaat nahin karne wala
main to hathon ko bhi patwar bana leta hun

kuchh ta'alluq hai khad-o-khal ki surat 'sabir'
kuchh ta'alluq ki main bekar bana leta hun