aish mazi ke gina haal ka tana de de
ghar palatne ke liye koi bahana de de

main ne is shahr ko ek shakhs ka hamnam kiya
chahe ab jo bhi ise nam zamana de de

sang-zadon ko bhi tamir mein shamil kar lo
is se pahle ki koi aaina-khana de de

us ka rumal bhi majburi tha hamdardi nahin
us ko ye dar tha koi aur na shana de de

dil ke ujde hue jangal ko pada rahne do
ain mumkin hai parindon ko thikana de de