ajab tarah se ana ka khitta kataw par tha
ruka tha dariya magar kinara bahaw par tha

shikast mein zar ke sath diwar-o-dar chale the
juari ab ke bhi jit khwahish ke daw par tha

wahan wahan baad-e-tund ke bhi giroh pahunche
jahan-jahan sarkashon ka lashkar padaw par tha

ye kis ke sine mein dhup neze gado rahi thi
wo barf raaton mein jism kis ka alaw par tha

tamam shahron ke wast namus mandiyan thin
ana ka mear sab ke nazdik bhaw par tha