ajib us se ta'alluq janab mera tha
kisi ke haq mein thi tabir khwab mera tha

udas bhi na rahun main ye kaise mumkin hai
wahi to shahr mein ek intikhab mera tha

na thi umid koi phir bhi justuju mein teri
na jaane kyon dil-e-khana-kharab mera tha

kahin milenge andhere to yaad aaega
kisi safar mein koi aaftab mera tha

wo sari raat raha karwaton ke aalam mein
utha to jagti aankhon mein khwab mera tha