andheri raat mein ek mahtab sa ubhra mera zamir shagufta gulab sa ubhra jigar-kharash hawadis ka silsila tha ajab meri nigah mein ek aaftab sa ubhra chhapi thi jis ki ghazal mein zamane bhar ki khushi khud us ki zist ka naghma azab sa ubhra bahut qarib se dekha tha un ko main ne magar musalsal ek takalluf hijab sa ubhra uchhaale jis pe malamat ke sang logon ne wajud us ka muqaddas kitab sa ubhra ghamon ki mauj nazar mein thi garche chaaron taraf masarraton ka jazira hayat sa ubhra