andheron se tum kyon ziya mangte ho
hukumat se ahd-e-wafa mangte ho

duaon ki tum ko zarurat hai yaro
dawaon se tum kyon shifa mangte ho

jo mangi dalilen to aalim ye bole
bade be-adab ho ye kya mangte ho

ye daulat ye shohrat ye sab aarzi hai
mubarak ho rab ki raza mangte ho

badi der kar di nasihat ko tum ne
nai nasl se ab haya mangte ho

chalo aaj 'shamsher' se ja ke puchhen
duaon mein ro ro ke kya mangte ho