apne baatin mein samete hue dar aata hai ek parinda jo mere sar pe utar aata hai baat karta hai mohabbat mein junun ki koi aur ek dagh sa sine pe ubhar aata hai kashtiyan bich samundar mein ulat jati hain phir madad karne ko khuddar bhanwar aata hai mujh pe aalam ki kasrat se tajjub kaisa kuchh darakhton pe kai bar samar aata hai sainkadon zard kharashen bhi pas-e-parda hain ye jo ab chehra mera saf nazar aata hai phir kisi dil mein utarna nahin mushkil 'jami' sher-goi ka agar tujh ko hunar aata hai