ayan nahin hai qabile walon pe haal mera abhi kisi par khula nahin hai kamal mera chalo ki aaj apni apni duniya ko bantte hain uruj tum apne pas rakhna zawal mera bhare jazire pe dhundhta phir raha hun us ko yahin kahin kho gaya tha mujh se wo lal mera main apni marzi se jitne din tak qiyam kar lun hai ahl-e-sahra se rabta yun bahaal mera kai zamanon ki gard se at chuka hai 'jami' ye dhundla aaina khudara ujal mera