apne markaz se kat gaya hun main
kitne hisson mein bat gaya hun main

wusat-e-be-karan ka hissa tha
ek badan mein simat gaya hun mein

ab bhi dushman hain log kyon mere
sab ke raste se hat gaya hun main

kya tha maqsad jahan mein aane ka
yun hi aa kar palat gaya hun main

dekh kar bewafai duniya ki
dar ke khud se lipat gaya hun main

meri hasti thi ek ghubare si
kyon ho rote jo phat gaya hun main