apne nai ka hunar yaad aaya
hum ne mu۔ndwaya tha sar yaad aaya

rail mein le rahi thi kharrate
us ke hamrah safar yaad aaya

jis ko kha ke hue the hum bimar
wo hi bheja wo jigar yaad aaya

raat kanya gale lagai thi
subh daru ka asar yaad aaya

prem ke waqt ghussa biwi ka
bhulna chaha magar yaad aaya

jab fasadon ki koi aai khabar
apna jalta hua ghar yaad aaya

'raaz' ne ki jo fikr 'ghaalib' ki
us ke sheron ka asar yaad aaya