apni jang hi ladti hai
lakh kaho wo baghi hai

bap ke zinda rahne tak
har beti shahzadi hai

rahat jis ko kahte hain
man ki god mein hoti hai

ab samjhenge dukh mera
ab un ki bhi beti hai

tez hawa ki jaane bala
ped pe jo bhi guzarti hai

tum ho falak kab samjhoge
dharti kya kuchh sahti hai

gham ki maujon mein dil ki
naw bahti jati hai

ek hi shakhs ko chaho sada
ye kaisi majburi hai