asar kiya hai ye ai aah-e-na-rasa kaisa
wo mujh pe raat ko ulta hua khafa kaisa

jo pochhiye to hai ek rang ka asar ye bhi
hamare rone pe wo rashk-e-gul hansa kaisa

buton ko dun jo main har baat par khuda ki qasam
ye kya samajhte hain yaro ki hai khuda kaisa

wo din gae jo mukhatib zara wo hote the
ab un se nama-o-paigham ai saba kaisa

saqim-haal tha kuchh sham tak to ai 'arif'
wo raat ko nahin malum hai raha kaisa