asir-e-ishq hain aur waza aazadana rakhte hain hum apni zindagi afsana-dar-afsana rakhte hain khuda-malum aisi kya kashish hai un ki mahfil mein ki ahl-e-dil qadam us samt betabana rakhte hain na hum taqlid karte hain kabhi farhad-o-wamiq ki na apni mamlikat mein qais ka virana rakhte hain hamein nisbat hai baade se hamara nam hai 'saqi' nahin mai-kash magar han shaghl kuchh rozana rakhte hain