dosti ya rabt agar baham rahe
aadmi kyon mubtala-e-gham rahe

un ke aage sar kisi ka kham rahe
shaikh kyon is baat se barham rahe

ain mumkin hai ki roz-e-hashr tak
kushtgan-e-ishq ka matam rahe

dard pate hain jo lazzat se unhen
kyon talash-e-chaara-e-marham rahe

zindagi par ek nikhaar aa jaega
gham masarrat mein agar mudgham rahe

ho sake us se na hargiz aashna
muddaton jis bagh mein aadam rahe