aur duniya mein hum ne kya dekha
sirf tera hi rasta dekha

us ne suraj se chaar kin aankhen
jis ne manzar tha raat ka dekha

siskiyan chand ki sunin hum ne
jab sitaron ko tutta dekha

mere daman mein pyas kitni thi
main ne dariya ka rasta dekha

husn dekha to ungliyan katin
kya karenge agar khuda dekha

har shikan phut phut kar roi
raat phir khwab-e-karbala dekha

aks apna dhuan dhuan paya
aaj 'tariq' jab aaina dekha