aur kya umr ki kahani hai
raegani hi raegani hai

ek khake mein rang bharna hai
ek kahani magar chhupani hai

mujh ko taqlid se bhi bachna hai
shama se shama bhi jalani hai

shahr mein odhni bhi hai tahzib
dasht mein khak bhi udani hai

husn qaem zamin ka rakhte hue
ek basti nai basani hai

ek budha ye kahta phirta hai
tazgi aaj bhi purani hai

ishq qail nahin hua hai 'wali'
maslahat rah-e-darmiyani hai