aur mai-khana-nashin chor banae na gae hum dhare jate hain nahaq kahin aae na gae shokhiyan teri uthaengi mujhe bazm se kya un se to sharm ke parde bhi uthae na gae qaid naghme ki hui qaid-e-qafas par turra hum se sayyaad ko nale bhi sunae na gae parda dala teri rahmat ne mere isyan par un farishton se mere aib chhupae na gae kaun sa lutf na firdaus mein paya lekin phir bhi duniya ke mere dil se bhulae na gae jab chale su-e-lahad mud ke na dekha ghar ko aise ruthe ki kisi se bhi manae na gae ye samajh kar ki gunahgar hain kis malik ke na gae hashr mein hum aankh jhukae na gae ghair ke jalne se kuchh aanch na aati tum par kyun alag baithe hue aag lagae na gae na raha hashr mein nazzare se mahrum koi qabr se ek hamein aaj uthae na gae kis ne dekha hamein kuche mein hasinon ke 'riyaz' muft badnam hue hum kahin aae na gae