ba-rang-ebaad-e-saba gul khilae hain kya kya
mere hi dil ne sitam mujh pe dhae hain kya kya

ye zindagi ka safar bhi hai kuchh ajib safar
qadam qadam pe maqamat aae hain kya kya

tarah tarah se kiya hai tawaqquat ka khun
meri nigah ne manzar dikhae hain kya kya

koi gharib ke is hausle ki wah to de
zara si jaan ne sadme uthae hain kya kya

ajib shai hai 'munawar' ki fikr-e-shaista
dil-o-dimagh ke aiwan sajae hain kya kya