ba-sad-khulus ba-sad-ehtiram karte chalo buzurg jab bhi milen tum salam karte chalo adab se pyar se akhlaq se mohabbat se jo dushmani karen un ko bhi ram karte chalo dil-o-dimagh mein logon ke naqsh ho jaen kuchh aise sher zamane ke nam karte chalo khud apni fikr to duniya mein sab hi karte hain jo dusron ke liye hon wo kaam karte chalo dukhi dilon ke liye ban ke ibn-e-mariyam tum buland duniya mein apna maqam karte chalo zaban pe muhr lagi ho to rah-e-ulfat mein nigah-e-shauq se us ko payam karte chalo khuda ki bandagi ishq-e-rasul se 'naghmi' tum apne aap par dozakh haram karte chalo