baadal ambar pe na dharti pe shajar hai baba
zindagi dhup mein sahra ka safar hai baba

tum kahan aa gae shishon ki tamanna le kar
ye to ek sang-faroshon ka nagar hai baba

hum hain qaid-e-dar-o-diwar se aazad hamein
jis jagah raat guzari wahi ghar hai baba

man ho darwesh to phir tan pe qaba ho ki aba
jog bana nahin andaz-e-nazar hai baba

batn har sang mein dekhe jo koi paikar-e-naz
kis ko hasil wo sanam-saz-nazar hai baba

soch kar dasht-e-tamanna mein qadam rakh 'sabir'
is maruthal mein ba-har-gam khatar hai baba