bach ke aane ke hain hazar tariq
chhup ke jaane ke hain hazar tariq

dil ke aane ke hain hazar tariq
jaan jaane ke hain hazar tariq

tarz-e-jaur-o-sitam nahin na sahi
dil dukhane ke hain hazar tariq

qatl hi par nahin hai kuchh mauquf
khun bahane ke hain hazar tariq

gardish-e-bakht-o-gardish-e-gardun
sar phirane ke hain hazar tariq

laghzish-e-pa agar salamat hai
chot khane ke hain hazar tariq

ho tabiat jo mail-e-ehsan
kaam aane ke hain hazar tariq

khamushi ho sawal ho kuchh ho
aazmane ke hain hazar tariq

dene wala ghani hai ai 'masud'
tere pane ke hain hazar tariq