badan pe kharqa-e-tahzib phatne wala hai jise bacha ke rakha hai bahut sambhaala hai tumhein dikhaun main shahr-e-jadid ka naqsha ye dedh int ki masjid hai ye shiwala hai tamam raikon mein rakkhi hui kitabon mein tumhein khabar nahin fikr-o-nazar ka jala hai muhib andhere mein raushan khayal logon par na jaane agle hi pal kya guzarne wala hai jahan bhi ubhri sada-e-zamir-e-insani jadidiyat ke naqibon ne mar dala hai faza mein udte hue aur ladkhadate hue parind-e-khasta ka ek aakhiri sambhaala hai