main sochta tha ki kahna bhula diya us ne
kiwad khol ke parda utha diya us ne

jo sochte the ki baaligh-nazar kahan hai koi
wo hath malte hain kaisa dila diya us ne

kahaniyon se kashida malal ki qirat
aur us ke baad latifa suna diya us ne

wo be-jahat jo meri khwab-gah tak pahunchi
to meri nind mein rakhna bana diya us ne

drop-scene se pahle jaga diya jaana
mere guman ka talazzuz utha diya us ne