baghair us ke ab aaram bhi nahin aata
wo shakhs jis ka mujhe nam bhi nahin aata

usi ki shakl mujhe chand mein nazar aae
wo mah-rukh jo lab-e-baam bhi nahin aata

karunga kya jo mohabbat mein ho gaya nakaam
mujhe to aur koi kaam bhi nahin aata

bitha diya mujhe dariya ke us kinare par
jidhar hubab tahi-jam bhi nahin aata

chura ke khwab wo aankhon ko rehn rakhta hai
aur us ke sar koi ilzam bhi nahin aata