baithna sahil pe dariya ki rawani dekhna
aur khali waqt mein filmen purani dekhna

dekhna chaho udasi mein shajar dube hue
tum parindon ki kabhi naql-e-makani dekhna

intihai sukh kihin aankhon mein mere khwab hon
intihai dukh unhin aankhon mein pani dekhna

roz so jaana falak ki wusaton ko odh kar
roz khwabon mein zamin ki be-karani dekhna

tai hua hai aaega wo milne aadhi raat ko
nim shab mein aap nur-e-kahkashani dekhna