banai hai teri taswir maine Darte hue

banai hai teri taswir main ne darte hue
laraz raha tha mera hath rang bharte hue

main inhimak mein ye kis maqam tak pahuncha
tujhe hi bhul gaya tujh ko yaad karte hue

nizam-e-kun ke sabab intishaar hai marbut
ye kaenat simatti bhi hai bikharte hue

kahin kahin to zamin aasman se unchi hai
ye raaz mujh pe khula sidhiyan utarte hue

hamein ye waqt daraata kuchh is tarah bhi hai
thahar na jae kahin hadsa guzarte hue

kuchh e'tibar nahin agli nasl par in ko
wasiyaten nahin karte ye log marte hue

har ek zarb to hoti nahin ayan 'asim'
hazar naqsh hue mundamil ubharte hue


This is a great nizam funny shayari. True lovers of pagli shayari hindi mai will love this. Please share if you liked this!!!
2020-05-26 06:17:13 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close