bas hi hamein yak nazar misl-e-sharar dekhna
kis ko mile ba-nasib bar-e-digar dekhna

aaina-san kya gharaz hum ko bad-o-nek se
samne jo aa gaya ek nazar dekhna

aur to baaten buri chhat gain sab jite-ji
aankh munde par chhata ek magar dekhna

sar ko uth kar zara dekhiye meri taraf
aa ke udhar baithna aur idhar dekhna

dekhiye 'maruf' ab kyun ki dil-o-din rahe
is but-e-kafir ka hai ye hi agar dekhna