saron pe dhup ka ek saeban rahne de
zamin rahe na rahe aasman rahne de

main aagahi ki fasilon ko chum aaya hun
mere khuda tu mujhe be-zaban rahne de

amir-e-shahr ka aiwan kanp utthega
gharib-e-shahr hun mera bayan rahne de

mere khuda tere dozakh ko khuld samjhunga
main ek bashar hun mera imtihan rahne de

mahak to gul ki har ek samt jaegi 'saib'
wo chahta hai tujhe ye guman rahne de