bas yahi soch ke rahta hun main zinda is mein
ye mohabbat hai koi mar nahin sakta is mein

ye bhi darwaza hai is ghar mein ise kholen to
raat khul jati hai khulta nahin kamra is mein

phul to phul main patti bhi nahin todunga
tujh se sabit hi na hoga mera hona is mein

tu ne do shakhs utare the ye main jaanta hun
main ne bhi sher kahe hain bahut aala is mein

aakhiri ishq ke aaghaz pe dam todta hun
main koi dam-dama-dam-dam nahin karta is mein