bazm-e-tarab waqt-e-aish saqi o naql o sharab koi ise kuchh kaho hum to samajhte hain khwab majma-e-khuban wale zamzama-e-chang wale koi ise kuchh kaho hum to samajhte hain khwab sehn-e-chaman husn-e-gul abr-o-hawa sharb-e-mul koi ise kuchh kaho hum to samajhte hain khwab ishrat-e-subh-e-bahaar sair-e-gul-o-lala-zar koi ise kuchh kaho hum to samajhte hain khwab raqs-e-but-e-ghuncha-lab kasrat-e-aish-o-tarab koi ise kuchh kaho hum to samajhte hain khwab ishq ke ijz-o-niyaz husn ke andaz-o-naz koi ise kuchh kaho hum to samajhte hain khwab masti-e-mai-khana-ha gardish-e-paimana-ha koi ise kuchh kaho hum to samajhte hain khwab shadi-e-wasl-e-butan sohbat-e-mah-talatan koi ise kuchh kaho hum to samajhte hain khwab ghalghal-e-kos-nashat khush-dili o imbisat koi ise kuchh kaho hum to samajhte hain khwab sarwat-e-mal-o-manal hashmat-o-jah-o-jalal koi ise kuchh kaho hum to samajhte hain khwab qasr-o-mahl dil-pazir zinat-o-zeb ai 'nazir' koi ise kuchh kaho hum to samajhte hain khwab