be-niyaziyon mein hai haal ye ataon ka bat raha hai chilon mein rizq fakhtaon ka us ka jism bhi nikla zakhm zakhm mujh sa hi khul gaya bharam sara reshmi qabaon ka apni chaar diwari se na ja saken bahar haal ye hua apni be-asar duaon ka ab ghutan hi behtar hai apne aashiyanon ki e'tibar mat karna aatishi hawaon ka tur-e-agahi par jab aap hi sawali tha kya jawab deta main apni hi sadaon ka