bebasi aur kuchh dinon tak hai
aa gai chandni saron tak hai

kaunsa daur aa gaya sahab
sher mahdud qafiyon tak hai

shams se jaane kyon mohabbat ki
aap ki haisiyat diyon tak hai

jab tumhein waqt ho chali aana
hijr ki shab kai shabon tak hai

is mohabbat ko kis tarah bhulun
naqsh jis ka pada darun tak hai

kyon ye khushbu jagah jagah phaili
phul patti to bas tanon tak hai

aap ki soch se bahut aage
bas rahi zist bulbulon tak hai

kaun bakhshe mujhe ‘safar’ jannat
shairi aa gai labon tak hai